ARTICLE

"Burado" Ang Ilang Trabaho Para Mas Makasama Pamilya Ko Sa 2013: RICO BLANCO


Maganda ang naging takbo ng career ni Rico Blanco noong taong 2012. 

Nag-labas siya ng ikalawang solo album na tinawag niyang "Galactik Fiestamatik" mula sa Warner Music Philippines. Bagong tunog at atake, iba sa kinagawian na nating tunog ng Pinoy pop, ang kanyang ipinarinig dito. 

Ipinakilala niya din sa atin ang kanyang bagong persona na si Fiesto Bandido. Naging patok sa publiko ang dalawang music videos niya para sa  mga singles na "Amats" at "Burado". 

Naging bahagi din siya ng Summer MYX Fest sa Boracay, at ng nakaraang MYX Mo! 2012 sa Marikina.

Malinaw na naging busy ang singer/songwriter noong nakaraang taon. Kaya naman nang tanungin namin siya kung ano ang kanyang New Year's resolution, mas nanaisin pa daw niyang huwag paunlakan ang ilan sa kanyang mga proyekto at tugtog, kaysa mawalan ng panahon sa kanyang pamilya.

"Ako gusto ko baguhin, siguro ano, mas babawasan ko 'yung trabaho, mas mag-s-spend ako ng time sa pamilya ko, sa mga parents ko tsaka sa mga kapatid ko," sabi niya pagkatapos ng pagtatanghal niya sa MYX Mo! 2012. 

"Kung pwede kong tanggihan yung ibang trabaho sana. Sana magawa," dagdag pa ni Rico.

Panooring ang interview ng MYXPH.COM mula sa MYX Mo! 2012 sa ibaba.


Ikaw, willing ka bang ipagpaliban muna ang ilan sa mga dapat gawin sa trabaho o eskwela upang makasama ang mga mahal mo sa buhay?

Comments

X

    PHOTOS

    VIDEOS